5月12日   第28日返工

今晚Tohtoh放假！而阿Sean唔知做乜七点几就消失左，于是餐厅得翻我同BIBI,JOJO同埋新同事啦！

倾开先知道新同事（长得好似周笔畅）刚刚会考完，即是十几岁啦！距无好似我之前甘，做事惊惊青青，但是就……终于有小小明白之前Ｉ姐姐做乜成日唔中意我，原来眼睇住有个人，同自己罗一样既人工，但就好似乜都唔使做甘，真是几meng。今晚就有小小是甘。要出野，要收野时，成日都唔见左距。而洗杯亦唔见距。真是个人都唔知去左边。但是我就唔多想教训人，一来唔希望自己是第２个Ｉ姐姐－虽然个妹妹都唔见得似我一样容易比人欺负；二来，我觉得每个人都做翻自己本分就足够，我应该努力先做好自己，因为自己都仲有好多野要学，餐厅自然有其他前辈去教距。而且，如果妹妹肯问我，我一定会好好答距。

今晚叫JOJO教我冲咖啡。其实阿Toh都同我示范过几次，但是，同距一齐时总是有压力。反而JOJO教我，就轻松得多，可以一边睇，一边试，亦都唔担心距唔满意，或者笑我（虽然可能阿Toh都唔会！）。于是，真是自己动手冲左杯啦！我决定之后每晚都要练习，系走之前，冲杯似样既咖啡！小梁成日话，每日翻工都应该有个目标，呢个就是目标啦。

另外，同BIBI都开始有机会倾多左。吾知道点解，以前Ｉ姐姐系度时，都好少有机会同距交流，但现在就多左好多。距的确是一个心地善良既女仔，亦都算坦率，无论是以前或现在，好少会令到你吾舒服，而且，几时都好有礼貌，单系呢点就好我好多啦！

不过今晚Billy哥哥都一齐无返工。真可惜啊见五到距，距对我其实都好好，昨晚母亲节时，都主动盛汤比我，仲比左５张熊仔印花我换！可能好快无机会见啦，希望之后都可以多Ｄ同距倾下计，顺便问下菜单，哈哈。

临近要走，总希望稳机会多谢想多谢既人。其实餐厅大部分同事都对我好好，例如琴姐啦，珍姐啦……要好好谂下点样多些大家。