2月22日 第二次返工

连我自己都估唔到, 都是打份工嗟, 居然可以对自己影响甘大. 上个礼拜收工之后, 我脑海里面仲会时时浮现个晚d情景, 而且竟然仲依然feel到个种好兴奋, 又紧张既感觉! 谂下谂下, 仲会连块面都红埋. 天呀~~仲夸张过拍拖个时呀!
因为TOH讲过以后熟咗, 要开始同d客落单, 所以呢个礼拜返工前, 我print咗份menu出来, 得闲又睇吓得闲又睇吓. 老实讲, 里面好多单字都唔识呀!! 而且, 就算识晒d字, 拼埋一齐, 都依然唔知道是乜! 终于忍唔住静静鸡稳Katherine教我, 但是, 距居然病咗唔翻学...
所以, 今晚翻到嚟之后, 第一件事是稳个人问吓menu.
但是, 翻到之后, 先发觉, 原来今晚阿SEAN唔返工!! 天啊, 突然就有种不祥既预感. 而且, 行到埋张台, 同大家打招呼既时候, 又发现埋窿姐都无返...我心惊惊甘, 扮晒好笑容甘say hello之后, 跟住认吓名. 点知班厨房佬好cool甘(其实是面无表情!!)话, 大家无必要识啦. 个心顿时凉咗半截, 跟住好无瘾甘去咗食饭. 是一个人系阳台度食, 因为入到后, 都唔明白人地系度讲乜笑乜, 亦都唔想介入人地已经有既圈子同世界.
虽然, 后来Bibi都好详细好有耐心甘教我认菜牌, 但是, 坏既心情已经是一晚恶梦既开始啦...
于是我继续咩都唔识, 兼又紧张心情又差甘开始咗呢晚既工作. 期间, 靓靓既I 姐姐继续她既口头禅:" 你返出去啦", "唔好企住系度呀", " 你甘都无意思咖?!" 一句又一句甘话我. 
虽然我从来唔搏嘴, 但我谂, 自己d脸色一定都唔好睇. 因为我已经从开始既好有笑容变到块面僵晒, 想笑, 都笑唔出. 尤其当我企系厨房度抹餐具时, 班厨房都系后面窃窃发笑, 特登用d细细声但是明知我会听得好清楚既音量讲我. 我知, 距地笑紧自己手脚又慢又笨. 有人话, "其实距唔识点做嗟, 识咗就唔会甘慢", 有人回应, "教距都识甘咖啦, 人地钟意用自己既方法, 咪由得人地咯!" 有那么1秒我d眼泪真是就快落嚟. 唔好意思, 唔是我唔肯听教, 是无人教过我! 是你地自己无端端就叫我入来抹晒成篮刀叉, 同埋只是扔块餐布过嚟俾我! 但是终于我都忍住咗. 唔好甘傻啦! 二十几岁人啦, 有咩好喊?! 因为你真是乜都唔识, 人地肯俾你嚟, 是你好彩咯. 识问边间餐厅会请个连刀叉都唔识抹既伙计呀??
而呢d唔开心既feeling, 都一直持续到差唔多放工. 今晚继续都累. 而且, 唔多记得今日学咗d咩了, 因为实在无心情谂.
原来新鲜感一旦过咗, 事物本来既面貌就会一样一样甘浮出嚟. 同时, 就好似最近热门既艳照事件甘, 真实往往都是残酷既. 我开始系度谂, 自己可以坚持到几耐呢?